السلام عليكم ورحمة الله وبركاته
استنواااااااا ، هو في ايه؟
هو ده عنوان موقف النهاردة
أنا حاحكيلكم الليلة ديه موقف عجيب
انا كنت واقفة في الصيدلية لوحدي ، وواقفة جنب الكومبيوتر
لقيت واحدة ست عجوزة باين عليها من الأرياف ، ومعاها بنتها آنسة كده عندها حوالي عشرين سنة
لقيتهم واقفين علي باب الصيدلية وناوين يدخلوا ، فبدأت أنتبه ليهم
يدوب الست العجوزة بصت عليا ولقيتها بتقول لبنتها : لأ ، تعالي نجيب الدوا من الصيدلية اللي في البلد
-بنتها: ليه بس؟
-الست: أصلها مش دكتورة
-بنتها: لأ ، ديه باين عليها دكتورة
-الست: لأ تلاقيها مش دكتورة
-بنتها: استني ، والله تلاقيها دكتورة
-الست: أصلها مش دكتورة
-بنتها: لأ ، ديه باين عليها دكتورة
-الست: لأ تلاقيها مش دكتورة
-بنتها: استني ، والله تلاقيها دكتورة
(وطبعا أنا كل ده واقفة اتفرج)
-الست: لا لا لا ، بلاش نجيب من هنا
-بنتها: اسمعي كلامي ، طب ندخل نسألها هي دكتورة ولا لأ
-الست : احنا لسة حنسأل ، يلا نجيب من أجزخانة البلد
-بنتها: انت مصرة ، طيب انت حرة
-الست: أيوة ، نجيب من البلد أحسن
-بنتها: طيب ، نجيب من صيدلية البلد وخلاص
و....................
-بنتها: اسمعي كلامي ، طب ندخل نسألها هي دكتورة ولا لأ
-الست : احنا لسة حنسأل ، يلا نجيب من أجزخانة البلد
-بنتها: انت مصرة ، طيب انت حرة
-الست: أيوة ، نجيب من البلد أحسن
-بنتها: طيب ، نجيب من صيدلية البلد وخلاص
و....................
استنواااااااااا
كلمة طلعت مني بعد فروغ صبري ، قلتها بنرفزة
فبصوا لي وهم مبلمين وشكلهم ذي الأطفال لما أستاذهم يعنفهم
قلت ليهم:هو في ايه؟
ردت البنت وقالت: معلش ، هو مش حضرتك دكتورة؟
قلت : أيوة طبعا
قالت : أصل أمي كانت فكرة حضرتك مش دكتورة ، فخافت تصرف العلاج من هنا
بصيت لأمها وقلت ليها: وإيه يا حاجة اللي خلاكي تقولي كدا
قالت: أصل الدكتور اللي في بلدنا موقف بنت مش دكتورة
قلت ليها : يعني علشان الدكتور اللي في بلدكم موقف بنت مش دكتورة ، يبقي كل صيدليات الجمهورية اللي فيها بنات مش دكاترة
ده حتي حرام عليكي
ده حتي حرام عليكي
فطبعا اعتذرولي وتأسفوا ،وأنا كمان علمتهم درس في التمييز
بذمتكم ، كنتم تعملوا ايه لو كنتم مكاني؟