السلام عليكم ورحمة الله وبركاته
ازيكم عاملين ايه؟
قلنا ندردش شوية في أيام الكلية والضفادع
سؤال؟؟؟؟؟؟؟؟؟؟؟
هل ممكن تمسك ضفدعة؟
طبعا الجواب عند الغالبية العظمي حيكون : لأ
بس حنلاقي ناس ومنهم اللي بيعيشوا بالذات في الارياف بيردوا وبيقولوا : ممكن ديه مش كائن مؤذي
بس لو سألتكم :
ممكن تقدر تشَّرح ضفدعة؟ يا تري الجواب حيكون ايه؟
ملحوظات : علشان تعرف يعني ايه معني كلمة تشريح الضفدعة، حقولك الاجابة ببساطة شديدة
تشريح الضفدعة يعني :
1-تخبطها علي دماغها خبطة قوية جدا علشان تدوخها ، أو انك تشممها فورمالين
2-تدبس ايديها ورجليها بالدبابيس في طبق الشمع بتاعك
3-تفتح بطنها وهي عايشة ، وتبدأ تقص العضلات ، وياعيني الضفدعة بتكون تقريبا فاقت في الوقت ده، وتحاول تخلص نفسها من المشرحة اللي هي فيها ، فممكن تشد اديها بالدبوس من طبق التشريح ، فتروح انت بكل وحشية تدبس ايديها تاني.......
4- تبدأ تحدد أعضائها الداخلية من كبد وطحال وغيره، بالاضافة الي شرايين قلبها وخلافه....
ثم
ييجي العامل يشدها من الطبق ويرميها في شنطة ، وبعدين يرميها في الذبالة
شوفتوا الوحشية
آه ، أديني افتكرت اللي كنا بنعملوا في الضفادع ، ويا ريتني ما افتكرت
لسة السؤال قائم:
تقدر تشرح ضفدعة ؟
وايه احساسك وانت بتعمل كده؟