الرئيسية
موقف النهاردة عنوانه
(القطرة خمس مرات والمرهم مرة قبل النوم)
هاحكي النهاردة بقي قصة صغيرة حدثت أيام ماكنت في الحكومة
أنا كنت في مستشفي الرمد، وطبعا حياتي كانت بين القطرات ومراهم العين
جالي راجل عجوز ومعاه بنته
بنته كانت شكلها كويس كده وباين عليها متعلمة
صرفتلها القطرة والمرهم ، قلتلها: القطرة خمس مرات والمرهم مرة قبل النوم
قالت لي : المرهم خمس مرات ، والقطرة مرة قبل النوم
قلت لها : لا ....القطرة خمس مرات والمرهم مرة قبل النوم
قالت لي : المرهم خمس مرات ، والقطرة مرة قبل النوم
أنتو متخيلين يعني ايه أن ابوها يحط المرهم خمس مرات ، يعني الراجل مش حيبقي عارف يشوف حاجة طول اليوم
قلت لها : يا ست القطرة خمس مرات والمرهم مرة قبل النوم
قالت لي : المرهم خمس مرات ، والقطرة مرة قبل النوم
أنا سكت ومعرفتش ارد عليها ،
بس فوجئت ان ابوها العجوز قوي بيرد عليها وبيقول لها:
يا شيخة افهمي بقي
بتقولك القطرة خمس مرات والمرهم مرة قبل النوموبرغم كل ده ، لقيتها بتبصله باستغراب وكأن نفسها تقول له في حاجة مش فاهماها
