الرئيسية
السلام عليكم ورحمة الله وبركاته
النهاردة ان شاء سأحكي حكاية حصلت وانا باحقن طفلة بحقنة مضاد حيوي
مرة زمان...في سالف العصر والآوان .....من حوالي 3 سنين ...كنت لسة متخرجة ....
جاءت لي واحدة ومعاها بنتها اسمها رانيا عمرها حوالي اربع سنين
كانت البنت مكتوب لها حقنة مضاد حيوي مش فاكرة اسمها طبعا ، وطلبت مني والدتها أن أحقن البنت بالحقنة
فوافقت ، وفعلا اديت الحقنة للبنت ، وبعد ما انتهيت من ضرب الحقنة، فوجئت بالبنت صرخت في وشي وقالت لي: يا وحشة ، يا وحشة ، يا وحشة.
طبعا كلنا قعدنا نضحك عليها ، بس انا خوفت ان البنت تكرهني
تاني يوم جاءت لي والدتها مرة تانية، بس أنا كنت اخدت قرار إني ماديش البنت حقن تاني، وطلبت من زميلتي د/غادة انها تدي البنت الحقنة
وبعد كده خرجت انا وقفت بره علي باب الصيدلية علشان البنت تتأكد ان انا مليش دعوة بالحقن خالص ،وفعلا البنت شافتني
مسكت د/غادة الحقنة
وحقنت البنت بيها ، فطبعا انا فرحت ان انا طلعت بريئة في نظر البنت ،بس......بس لقيت البنت اول ما اخدت الحقنة سابت د/غادة خالص وماكلمتهاش ولقيتها بصت لي وانا علي باب الصيدلة وصرخت في وشي : يا وحشة ، يا وحشة ،يا وحشة
قلت لها : حرام عليكي ، يعني انا اديكي الحقنة أو مادهلكيش برده وحشة
يلا،ياما في الحبس مظاليم
عدل سابقا من قبل dr.aml fathi في الجمعة يونيو 17, 2011 10:09 pm عدل 1 مرات
